Teakwandisiti nga Rahoveci që po arrin sukses të mëdha në Zvicër

TechGuy

Antar
Anëtar/e
Regjistruar
Jun 18, 2020
Mesazhe
824
Pëlqime
23
Pikë
16
Krasniqi në një intervistë për KosovaPress, fillimisht ka folur rreth fillimit të karrierës së tij, duke i shpalosur edhe sukseset që i ka arritur që nga vitit 1995, kur edhe ka filluar të merret me sportin e Teakwandos.

Përveç sukseseve në rrafshin ndërkombëtar, ai ka rezultuar i suksesshëm edhe në rrafshin kombëtar ku në vitin 2009, është shpallur Kampion në Kosovë dhe Shqipëri.

Krasniqi: Që nga viti 1995 kam filluar me Teakwando

“Kam filluar Teakwando në vitin 1995, jam kampion kombëtar dhe mbarëkombëtar prej vitit 1997, domethënë kam marrë pjesë në disa gara kombëtare dhe mbarëkombëtare. Në Zvicër kam qenë edhe kundërshtari më i mirë në të gjitha kategoritë dhe në 2009 kam qenë në Kosovë, jam shpall kampion ndërkombëtar dhe prej vitit 2010 kam filluar bashkëpunimin me Federatën e Teakwandos të Kosovës. Zakonisht vijmë me shkollën time që kam hapur nga viti 2011, të marrim pjesë në kampionatin e Kosovës për Teakwandos dhe kemi mjaft sukses”, tha Krasniqi.

Përpos sukseseve në karrierën e tij personale, tanimë Krasniqi ka hapur edhe një shkollë të Teakëandos, ku me punën, përkushtimin dhe angazhimin e tij, nxënësit e kësaj shkolle kanë arritur suksese të njëpasnjëshme, duke marrë kështu dy medalje botërore dhe gjashtë medalje evropiane.

Krasniqi: Shqiptarët janë më të suksesshëm

“I kemi 50 nxënëse, 15 garues që marrin pjesë në kampionatin kombëtar dhe ndërkombëtar. Kemi 6 tituj evropian dhe dy botëror. Kemi marrë pjesë në disa shtete deri në Afrikë e Izrael, domethënë edhe në Evropë në shumë shtete… I kemi 50% afërsisht shqiptarë, 50 % zviceranë dhe të tjerë… Më shumë i kemi shqiptarë. Jemi krejt shqiptarë të Kosovës, shqiptarë të Shqipërisë dhe të Maqedonisë, jemi bashkë”, deklaroi ai.

Krasniqi në fund dha një mesazh për të gjithë rininë e qytetit edhe nga vet ai vjen, Rahovecit të cilëve iu këshillojë që sa më shumë të merren me sport.

Krasniqi: Rinia e Rahovecit të merren më shumë me sport

“Rinia e Rahovecit duhet të merren sa më shumë me sport, pavarësisht se këtu nuk ka shkolla të Teakwandos në Komunën e Rahovecit, por ka shumë sporte tjera dhe kemi shumë fat që kemi një kryetar që na mbështet si sportistë dhe na shton kulturën e rinisë”, përfundoi Krasniqi.
 
Top