Poezi dhe shkrime nga Xhabir Tabaku

Uarda

Besimi yt dhe i imi gjykohen çdo ditë.
Staff member
Moderator/e
Regjistruar
Jun 23, 2020
Mesazhe
1,645
Pëlqime
775
Pikë
113
Location
Bornholm Danimarke
Rini e munguar

Vitet e rinisë së munguar -
kujtime të athëta
aromë bar teje
në xhepat e palltos Gub
të babës - varë në raftin
me rimeso panje, të shëmtuar.
Ujë i qelbët pusi - bakterie
plot, harruar pa ngjalë. Unë,
ti e të tjerët këndonim këngët
e së ardhmes, të harruar.
Radiostacionet e largëta na
jepnin shpresë se një ditë
do thyheshin kufijtë, do binte
bomba, do ndalej mortja -
mort ra. Xhenazet maleve: Jasu!
Kërmat e shpendët - tango.
malet mbuluar me kufoma
kufoma të rinjsh - kufoma të njoma.
- U ndamë, shpërndamë,
s'u pamë as në funerale. Na,
të bijt e shtypjes, dhimbjes, fyerjes
valltarët e vdekjes - vdekja vetë.
Ithtarët e tradhëtuar - shkrimtarët
amoralë, politikanë të deshtuar
banalë - helm. Helm na dhanë
na vdiqën fushave, maleve,
barakave, brrakave. Brrakave
e kënetave; - ditëve, netëve,
... të djelave.
Bijtë e urisë, syrin shkreptimë,
shpirtin pishë, pishë - pishtarë
netëve të huaja, netëve lastarë
varkave të mbytura fundedeteve
detrave të huaj, detit Jon.
Bijtë e braktisur, braktisnim veten
gurbet, kampe - stadiume; - hidhe!
- prite! - rracioni jot i bukës për sot;
bukën e përditshme falna Zot!
Bijtë e lotëve, djem me morra
vajzave palara, shtupa duqe -
fillojmë nga e para. Turp! - a po?
Jo! - infeksion vagine - thikë
mbas shpine - liri,
lirim, pa kufi - kufizim,
- mblidhe, puthe, *ije, prishe
theje, mbyte, vdiqe! - vorr - jetë vorri.
- Mos u ndal! - na e kanë borxh - po.
Jemi bijtë e izolimit, pjellë e krimit;
flamur i kuq - flamur me huq. Kshu!
Lajmëtar zije, shndërrim, shkërdhim
konvertim. - Jashtëqitje na thanë
na braktisën - të shtyrën na dhanë
na humbën, vranë e degdisën...
na kallën datën, na shtinë frikën
na bënë pritën, natën, ditën. Po.
Por nuk u dhamë. Vdiqëm rrugëve
me motrat tona llogoreve - semaforëve.
Turpit, turp ti vinte, asnjë nuk e nji'nte
kend nuk kishim frikë, kuj s'i kishim tutë;
1967-tën kishim moral - kushtetutë.
Na të bijt e shekullit të vjetër,
nuk krahasohemi me asnjë tjetër
- jemi qafirë, firarë, pa gjak, pa farë.

Xhabir Tabaku
 

Uarda

Besimi yt dhe i imi gjykohen çdo ditë.
Staff member
Moderator/e
Regjistruar
Jun 23, 2020
Mesazhe
1,645
Pëlqime
775
Pikë
113
Location
Bornholm Danimarke
Në trurin tim ka mot' jeton një dhelpër,
edhe emrin ia kam ngjitur: (sekret).
Aty ka shtratin, (bën dashuri); dhe një
tryezë druri ku shkruan... e nuk flet.
Në trurin tim ka dy dhelpra: njëra sekret,
tjetra ka sy të gurtë dhe fytyrë peshku-
të tre jetojmë në botën tonë - duhemi
dhe vizitojmë njëri - tjetrin në përvjetorë
vdekjesh. -Të tre rivdesim e ringjallemi,
unë në formë abstrakte - edhe ato ashtu.
Dhelpra e parë ka sy prej dheu - ajo rri
përherë maj' kodrave.
Tjetra shtrirë bri përroit me borë...

Një grua e trishtuar bri përroit me borë
ka frikë, - frikë nga sekretet e mia.
Gruaja e trishtë është dhelpra me sy dheu,
Unë jam me sy dhe zemër guri - dhelprat
i gdhëndin kokërdhokët dhe qerpikët e mi
netëve të kristalta - frikëra të krisura.
Sytë e mi nuk flasin - janë sy dhelprash.
Dhelprat e mia nuk flasin - janë heshtja ime.
- sytë tanë prej uji të padukshëm vikasin;
udhëtojnë drejt natës, gdhëndur krojeve.
Xhabir Tabaku
 

Uarda

Besimi yt dhe i imi gjykohen çdo ditë.
Staff member
Moderator/e
Regjistruar
Jun 23, 2020
Mesazhe
1,645
Pëlqime
775
Pikë
113
Location
Bornholm Danimarke
Narcistik

Do doja të jetoja në një vend
plot laguna e duna
nga ku të kundroja ujërat
e gjelbërt,
përthyerjen e hënës mbi lila uji
gjatë netëve.

Të dëgjoja këngën e një zogu që s'e njoh-
të shihja si çelë narcisi nën vesën e mëngjesit.

Vera duhet të jetë e përjetshme aty,
ndryshe, narcisi jam vet'
e lili një grua që e dua.

marrë nga vëllimi poetik "Gri"
 

Passion

V.I.P
Staff member
Administrator/e
Regjistruar
Jun 22, 2020
Mesazhe
2,090
Pëlqime
1,625
Pikë
113
Në trurin tim ka mot' jeton një dhelpër,
edhe emrin ia kam ngjitur: (sekret).
Aty ka shtratin, (bën dashuri); dhe një

tryezë druri ku shkruan... e nuk flet.

:)
 

Uarda

Besimi yt dhe i imi gjykohen çdo ditë.
Staff member
Moderator/e
Regjistruar
Jun 23, 2020
Mesazhe
1,645
Pëlqime
775
Pikë
113
Location
Bornholm Danimarke
gabim

nuk u takuam rastësisht
të qënurit në të njëjtën kohë
n’të njëjtin vënd, nuk është rastësi
është gabim

tash, eci i vetëm rrugëve të gjëra
të planetit tim -
planetit që nuk ka rregulla
as viza të bardha
as semaforë
spijunë
a *****

marr frymë thellë

Xhabir Tabaku
 
Top