Gerhard Pregapuca

[Uarda]

A t'ka dhimt vetmi?!
kur je zgju,
e s'ka pas nji fjal'!
a t'ka dhimt'?!
kur kujt than, plac s'ki pas...
a t'ka dhimt?!
e cila ma shume..!
kur je zgju,a ra me fjet?!
e kur je zgju.. kur zgjut je kan,
se gjum s'ke ba prej dhimjes?

Gerhard Pregapuca.

 

[Uarda]

Një got!
Mbushur plot lot
Kujtime të trishta
T'lumturis sonë!

Ky shi!
Ç'po m'duhet sot ky shi!

Radio e vjetër!
Më e vjetër se lumturia jonë.
Për ironi luan një këng të re.

Një këng të re!
Me dhimbje si ne.

He pra, si për të fundit herë.
Dhimbjen e ndava në dy.

Për mua dhe..!

Një got, mbushur plot lot
T'shoqëruar me këng të re trishtimi
E shiu!
Ç'po m'duhet sot ky shi!

Gerhard Pregapuca.

 

[Uarda]

Te ka rastisur te lexosh nje poezi?
Nje poezi te bukur dashurie?
Ku e bukura tek nje varg shteron?
Tek vargu i trete tek strofa e dyte.
Tek hapi qe fjala doli per te zezen tone.

A te ka rastisur te lexosh nje poezi?
Nje poezi te bukur me gabime.
Gabim tek lidhja e fjales, me neveri.
Ku harrohet puthja e shkelqimi i pare i syve.
Ku mbetesh ne varg, e ne rrug je vetem ti?

Gerhard Pregapuca.

 

[Uarda]

A dashurohemi kete vere?!
Me thuaj asgje me te mire, s'ke per te bere...
Dhe lekut vlera i ka rene,e pushime s'ka.
Thone ...!
Se dashuria nuk ka nevoj per para!

A dashurohemi kete vere?!
Se dashuria ka kohe qe vlerat hyjnore si ka me.
I zevendesojme me nje pal pushime.
E ne vjeshte,..!
Ndoshta, me shirat qajme te dy nen ze.!

Gerhard Pregapuca.

 

[Uarda]

Edhe një fjalë.
Kaq ish' distanca
Edhe një fjalë.
Distancë tepër e shkurtër
Në largësi të pamundur
Për ta gjetur në atë çast.
Sa larg kemi mbetur
Vetëm për një fjalë.

Gerhard Pregapuca.

 

[Uarda]

Nga ndrojtja sonte,
zhveshur jemi këtu,

Mbuluar me 'mëkat'!

Gjykimet, botës le t'ia lëmë,
s'na duhen gjë këtë natë!

Gerhard Pregapuca

 

[Uarda]

Kam mar pjesë në varrimin tënd dashuri.
Me duart e mija të kam futur nën dhe.
Ti kam bërë të tëra homazhet një e nga një
Për të't harruar natyrisht e kam bërë.
Por përkujtimoret nuk dita ku të t'i lë.

Gerhard Pregapuca.

 

[Uarda]

-Eh more bir..
Po pak jod e mernim, ndonjë femër të bukur edhe e shihnim, kishte çapkëne dhe të urta. E djemtë që luanin gjoja me top dhe nganjëherë e hidhnin si padashje tek ajo vajza që i kishin hedh sytë.. e kështu kështu..
-po pastaj.
-eh pastaj, pastaj ndryshuan kohët, kishte femra të bukura , se gjithmonë ka pas. Po vinin sa për foto, foto në det , foto në rërë , foto edhe bukës me domate, biles biles kishte që zenin pozicion të mirë dhe ja kishin mar dorën sa edhe në hale bënin foto (po dilnin bukur) . djemt bënin trupa gjat vitit që..
-që të dukeshin bukur para femrave?
-jo, qe ti tregonin shokut shi si më është bërë tricepsi.
-po pastaj babi, po pastaj.
- na dënoj, diku e llim dhe na dënoj keq.
-si babi, si na dënoi.
-na bëri të ham fasule buz detit në qershor.

Gerhardi dhe biri pas 20 vjetesh

 

[Uarda]

Nuk lamë gurë,e shënjtorë, pa prekur.
Nuk lamë kisha pa shkuar, e xhami.
Nuk lamë nuska e ikona, pa mbajtur.

Me kot them,i bëmë!
Për njëri tjetrin...
Nuk kishim, as me te voglën ndjesi.

Gerhard Pregapuca

 

[Uarda]

S'ndjehem mirë kur ikën,
e mirupafshim thua.

Më mirë shko,
e lërmë te pres.

Do duroj pak kohë,
e durimin kohës do t'ja mar hua.

Qoftë një i vetëm çast
a deri sa te vdes.

Gerhard Pregapuca.

 

[Uarda]

Kur m'kaplon një mërzi.
Një mërzi e marr' pa arsye!

Kur nuk të shoh..!
Ndodh..!

E as qeni komshiut nuk më leh.
M'kaplon një mërzi.

Mërzi që nuk t'shoh
E qeni që m'len në marrëzinë time.

Gerhard Pregapuca.

 

[Uarda]

Rrudhat fisnike,
Fytyrën, të kanë mbuluar!

Thinjat mbi krye,
Dëborë e bardhë!

Histori dashurie,
Nuk dim në ke kaluar?!

E netëve të vona,
Mbi epshet në kanë ardh!

Po njerzit nuk të shohin,
Ty me atë sy!

... Si nënë të njohin,
Dhe këtu mbaron...

Harrojnë që dikur,
Ke pas dhe ti rini!

E bukura, me trupin
E brishtë, e të njomë!

Gerhard Pregapuca.

 

[Uarda]

Natën e mirë çmënduri!
Nata nuk është e imja.
As nata, as ti.

Shpresa sonte, nuk duket kund.
Diku ka ndal ...!
Besoj, në një tjetër dashuri.

Nata nuk është më e imja!
As nata, as shpresa
As Ti.

Gerhard Pregapuca.

 

[Uarda]

Unë!
Di të dua bukur!

Ti!
Di të vuash bukur!

Ne!
Vuajmë bukur!
Me dua, të një anshme pa dy..

Ana tjetër, dashuron për të vuajtur..
Një Unë' në shpirt!

Unë!
Di të vuaj, se dua bukur!

Gerhard Pregapuca.

 

[Uarda]

Na ishte një herë!

Buzëqeshja e saj.
për tjetër kënd.

Trishtimi i tij.
pasi, për vete e desh'

Dhe fundi i tyre!

Gerhard Pregapuca.

 

[Uarda]

Ecin mendimet,
si te lodhura,
teper ngadale.

Ecin..!

E shpirti,
i shoqeron,
pa thene nje fjale.

Mendimet dhe shpirti..!

Miqesi e hershme,
ndaj i ben shoqeri,
por dhe ndodh.

Eh..!

Shpesh ndodh,
shpirti te shfry,
e ta prish kete qetesi.

Gerhard Pregapuca

 

[Uarda]

Vetja jeme e ndame n'dy!

E para ash' e egër!
E shpërfytyrueme n'tnemuna!
E e'nemuna s'po di ku me nal.
T'mallkon, t'shan, t'urren..

Tash e dyta!
Ajo ash' e but...
E but veç për ty.
E but si puhiza prej t'dashmit ty.

E dyta ash' ma e egër se e para!
E dyta kafshon gjuhën që n'mendim..
E nuk nal. As kur gjak rrjedh prej gjuhe...
As kur dhimta n'shpirt l'çon piskam.

(E m'myt në lot).

Po e lam nji varg 'bosh'
T'vetëm si mue tash...
E dyta ash' ma e fort se e para.
Ani pse e but puhizë si dashnia jonë..
Dhe e dhimt si ndarja jonë...

Gerhard Pregapuca.

 

[Uarda]

E qetë, ti fle engjëlli im,
Më bën të ndjehem xheloz,

Me gjumin, je dashuruar kaq ëmbël,
Ç'të bëj kur shpirti mu merakos?!

Të shikoj, e të ngopur s'kam
Të puth, ti dorën mbi mua e vë,

(Më fal, të shqetësova..?)

S'më erdhi keq!
Kastile e bëra, po hë!

Fli bukuroshja ime,
Ashtu paqësore siç je!

E në mëngjes, kur të zgjohesh,
Lërmë mua edhe pak të fle!

Se natën, siç të thash’ nuk pata gjumë,
Po të shikoja ty,

Xheloz e i merakosur për ëndrrat që sheh,
I etur, për ato dy sy!

Që nga qepallat jan’ mbuluar,
E shkëlqimin dot s'ja shoh,

Nga puthja i hap ashtu si përgjumësh,
E thua se më do!

Dhe i kënaqur,
Në jastëk kokën vendos,

(E ngadal mbyll sytë dhe unë,)

I qetë jam tashmë, e ëmbla ime,
I lumtur, se të dua shumë!

Gerhard Pregapuca.

 

[Uarda]

Sonte, asgjë mos vish,
Sikur asnjë rrobë, të mos ekzistoj!

Më thuaj, ftohtë ke,
E unë pas vetes të shtrëngoj!

Asgjë mos vish,
As moral e turp mos mbaj!

Të puth dua, çdo qelizë tënden,
E nata epshin t'ma laj!

Sonte, asgjë mos vish,
Të vesh, ashtu siç di vetë!

Me frymëmarrje të thella,
E tek-tuk, pak belbëzime të ketë!

Gerhard Pregapuca.

 

[Uarda]

U ndamë!
As të parët,as të fundit.

U ndamë e sërisht u pamë.
Shumë u puthëm e u ndamë..
U pamë,u puthëm e u shamë.

As të parët, as të fundit.
U shamë e u ndamë.

Gerhard Pregapuca.