Çfarë ndodh me trupin tuaj kur pushoheni nga puna

Uarda

Besimi yt dhe i imi gjykohen çdo ditë.
Staff member
Moderator/e
Regjistruar
Jun 23, 2020
Mesazhe
1,930
Pëlqime
826
Pikë
113
Location
Bornholm Danimarke
Çfarë ndodh me trupin tuaj kur pushoheni nga puna

Të pushoheni papritur nga puna, nuk ka efekte vetëm psikologjike. Edhe trupi juaj reagon ndaj pushimit nga puna. Më poshtë janë disa këshilla psikologjike për ta rimarrë veten dhe për tu rikthyer në rrugën e duhur sa më shpejt të jetë e mundur.

Kushdo që është pushuar nga puna e di mirë (edhe nëse ka ndodhur vite e vite më parë, e mban mend si të ishte dje): efektet psikologjike të kësaj përvoje janë të shumta, dhe të gjitha negative. Fakti është se, siç është shpjeguar edhe nga studime të tjera, trupi gjithashtu vuan ndaj pushimit nga puna, duke shfaqur shenja të forta stresi në aspektin fizik.


Nëse jeni pushuar nga puna ka të ngjarë të keni shqetësime psikosomatike.

Siç thekson psikoterapistja dhe psikoanalistja Rossella Valdré: “Pushimi nga puna – përkufizohet si një ngjarje traumatike – shoqërohet nga një reagim psikologjik zemërimi, dekurajimi, humbje. Natyrisht, pasojat psikologjike të pushimit nga puna ndryshojnë në varësi të historisë dhe karakterit të personit, të burimeve personale dhe ekonomike, si dhe shkallës së rezistencës, ose aftësia për t’iu përshtatur statusit të ri (në këtë rast, i imponuar). Ata që hyjnë në një fazë depresioni post-pushim nga puna, do të vuajnë nga pagjumësia, përveç problemeve të tjera si çrregullimit gastrointestinal, migrena, shtimi dhe humbja në peshë. Secili ka një pikë të dobët nga pikëpamja fizike, në të cilën trauma e shkarkimit nga puna gjen mundësinë për të dalë në pah. Në këtë rast flitet për sëmundje psikosomatike, e cila gjithsesi nuk duhet të nënvlerësohet. Këshillohet që në këto raste të flisni me mjekun e familjes për të parandaluar përkeqësimin e shqetësimeve fizike.



Gabimet që duhet të shmangni në fazën e shkarkimit nga puna

Ekziston një pikë tjetër e rëndësishme për t’u marrë parasysh. Valdré shprehet se “një pjesë e madhe e njerëzve të pushuar nga puna ndjehen fajtorë. Edhe nëse objektivisht nuk kanë bërë asnjë faj, ata që janë pushuar nga puna ndiejnë se kanë gabuar diçka, ose gjithçka. Me pak fjalë, ndihen përgjegjës.

Një mekanizëm i ngjashëm psikologjik u ndodh edhe fëmijëve që rrihen apo abuzohen, të cilët ndihen në faj për të gjithë jetën, si të kishin kontribuar, në njëfarë mënyre, në atë ngjarje dramatike. Në këto raste, ia vlen të mposhtni krenarinë dhe të kërkoni ndihmë nga njerëzit e afërm, miqtë, , por, mbi të gjitha, psikologu.

Tundimi për t’u izoluar / apo pretendimi i të qenët i vetëmjaftueshëm, duke shmangur ballafaqimin me brishtësinë dhe botën e jashtme, është një mekanizëm mbrojtje që më shumë i bën dëm, se e ndihmon një person të pushuar nga puna.




Business Magazine
 

Uarda

Besimi yt dhe i imi gjykohen çdo ditë.
Staff member
Moderator/e
Regjistruar
Jun 23, 2020
Mesazhe
1,930
Pëlqime
826
Pikë
113
Location
Bornholm Danimarke
Një CEO i ri në kompani nuk do të thotë se do të pushohesh nga puna


Sapo një CEO i ri emërohet në një kompani, thashethemet fillojnë të qarkullojnë dhe stafi shqetësohet.
Gjëja e parë që u shkon punonjësve në mendje është: A do e humbas vendin e punës?



“Pushimet nga puna janë më shumë të lidhur me gjendjen e kompanisë dhe perspektivat e së ardhmes sesa me drejtorin ekzekutiv”, thotë Anthony Abbatiello drejtor ekzekutiv i Shoqatës për Lidership dhe Sukses ‘Russell Reynolds’.

Sidoqoftë, shume punonjës mendojnë më të keqen sepse ata kanë parë raste kur punonjësve u është treguar dera sapo një CEO i ri ka ardhur në zyrë.

“Cdo kompani mund të gjendet në situata të ndryshme gjatë momenteve të caktuara”, thotë Jane Stevenson zv/presidenti i firmës konsulente Korn Ferry.

Një CEO i ri nuk nënkupton gjithmonë pushim nga puna. Një CEO i ri nënkupton më shumë punë, për ta bërë kompaninë të ecë përpara.

Duhet të jesh gati për disa ndryshime që do ndodhin me menaxherët

Vlerësimet e CEO-s së ri do fillojnë gjithmonë nga lart.

Ata kanë nevojë për një skuadër ekzekutive e cila do punojë me ta dhe do jetë e gatshme të përdorë strategjitë e reja që janë planifikuar.

Prandaj ata do analizojnë përbërjen e skuadrës menaxheriale, aftësitë dhe kapacitetin e tyre për të parë sesi pikat e tyre të forta përputhen me pikat e forta të CEO-s. Në këtë mënyrë CEO-ja arrin të njohë skuadrën.

“Zakonisht ka zëvendësime nëpër pozicionet menaxheriale”, thotë Abbatiello.

Por është e pazakontë që një CEO i ri të pushojë të gjithë menaxherët që ndodhen në krye me një lëvizje të vetme”, sic thotë Tritton.

Në rast se shefi mendon që kompania është në rrezik dhe i duhet një strategji e re sa më shpejt, duhet të keni kujdes. “Nëse skuadra që keni ju shkakton pasiguri, këtë do e paguani herët a vonë”, thotë Stevenson.

Pushimet nga puna ndodhin kur kompania është rrëmujë

Kur situata ekonomike e një kompanie ose mjedisi kulturor i saj janë në gjendje të keqe, CEO-ja i ri e ka për detyrë ta rikthejë kompaninë në gjendjen e mëparshme. Kjo shpesh do të thotë shkurtime nga puna.

Kur një CEO i ri vjen nga jashtë kompanisë, punonjësit përpiqen të mësojnë sesi ka vepruar ai në kompanitë ku ka punuar më parë.

“Sjellja në të shkuarën është një tregues i mirë i sjelljes në të ardhmen”, thotë Stephen Miles, CEO i The Miles Group, një firmë këshillimore ekzekutive.

Kur një kompani përballet me problem ekonomike ose i duhet të ndryshojë strategji, CEO-s i duhet të shpëtojë veten. Kështu që ata janë të prirur të shkurtojnë vendet e punës, shton Miles.

A është vendi juaj i punës në rrezik?

Edhe kur situata ekonomike është mirë në kompani, ndryshimet mund të ndodhin. Pronari mund të kërkojë nga CEO-ja i ri të riformatojë biznesin për të ardhmen.

Ka shumë gjasa që ndryshimet të ndodhin në sektorët ku CEO mendon se do i sjellin fitim kompanisë në të ardhmen.

Kjo do të thotë shkurtime nga puna i atyre që nuk janë të dobishëm për strategjinë e re.



Punonjësit që kanë potenicalin për tu pushuar nga puna duhet të pyesin veten sesi është performanca e tyre në kompani. Pyesni veten “ A po punoj mjaftueshëm për të ardhmen e kompanisë apo jo?”, thotë Miles.

Sigurisht, shkurtimet në punë ndodhin në rastet kur kompani të ndryshme ofrojnë të njëjtin shërbim. Pra cilido qoftë pozicioni juaj, është më mirë të përqendroheni në atë cka kërkon e ardhmja.

“Siguria për vendin e punës ndërtohet duke krijuar aftësi të vlefshme për të ardhmen, jo vetëm duke punuar për të tashmen”, thotë Stevenson.

Melsena Danglli Business Magazine

 
Top